تریوننت پورم،31؍دسمبر(ایس او نیوز؍آئی این ایس انڈیا) کیرلہ میں سی پی ایم کی قیادت والی ایل ڈی ایف حکومت نے آج کہا کہ سال 2017 میں سیاسی تشدد سے متعلق معاملات کی تعداد میں کمی آئی ہے۔ریاست میں حزب اختلاف کانگریس اور بی جے پی نے اس حکومت کے دعوی کو مسترد کردیاہے۔وزیر اعلیٰ پناری وجین کے دفتر نے ایک بیان میں اعداد و شمار کے حوالے سے بتایا کہ سال 2017 میں سیاسی جھڑپوں سے متعلق معاملات کی تعداد 1463 ہے جو گزشتہ سال کے مقابلے میں 211 کم ہے۔بیان میں کہا گیا ہے کہ امن قائم کرنے کے لئے وزیراعلیٰ کے اقدامات کے ساتھ ساتھ حکومت کی طرف سے اٹھائے گئے مؤثر انتظامی اور سیاسی اقدامات کی وجہ سے ایسا ہو سکا ہے۔اس معاملے پر حکومت پر تنقید کرتے ہوئے کیرلا اسمبلی میں حزب اختلاف کے رہنما رمیش چینی تھلا نے کہا کہ حکومت کی طرف سے رکھے گئے اعداد و شمار سے لوگوں کو گمراہ کیا گیا ہے۔ انہوں نے کہاکہ حکومت کی طرف سے دیئے گئے اعداد و شمار کے مقابلے میں سیاسی جھڑپوں اور قتل کے معاملے کہیں زیادہ ہے۔ انہوں نے الزام لگایا کہ ریاست میں قانون کے علاوہ حالات مکمل طور پر درہم برہم ہیں۔انہوں نے کہاکہ ریاست میں صرف پولیس صرف ناظرین جیسے ہیں۔ انہوں نے کہا کہ سیاسی مداخلت کی وجہ سے پولیس کو کام کاج کرنے کی مکمل آزادی نہیں دی جا رہی ہے۔ چینی تھلا نے کہا کہ اس سال کل20 سیاسی قتل ہوئے۔راج شیکھرن نے کہا کہ اس سال گزشتہ سال کے مقابلے میں سیاسی قتل کی تعداد زیادہ ہے۔اس سال سی پی ایم کے حملے میں بی جے پی اور آر ایس ایس کے کل 13 کارکنوں کی موت ہوئی۔